Վաղ սնուցման ազդեցությունը

Կյանքի առաջին օրերին կամ շաբաթներին սնուցումը կարող է երկար ժամանակ ազդեցություն ունենալ առողջության վրա, որպես «մետաբոլիկ ծրագրավորման արդյունք» հայտնի երևույթի պատճառով: Այս հաստատվում է մանկաբուժական ակադեմիական միության հանդիպման ժամանակ ներկայացված հետազոտության մեջ:
Մետաբոլիկ ծրագրավորումը հասկացություն է, որը պնդում է , որ կյանքի վաղ շրջանում սնման տարատեսակությունը կարող  է ծրագրավորել մետաբոլիզմը և մարդու առողջությունն ապագայում:

Այս հետազոտության մեջ գիտնականները համեմատել են առողջ մարդկանց երեք խմբի աճը, զարգացումը և անոթային ճնշումը: Մի խումբը ստացել է միայն կրծքի կաթ` կյանքի առաջին չորս ամիսներին: Մյուս երկու խմբերը պատահականորեն բաժանվել են երկու խմբի` նրանց, ովքեր սպիտակուցային ցածր պարունակության խառնուրդներ են ընդունել` 1,8 գ/100կկալ, և ովքեր ընդունել են սպիտակուցային բարձր պարունակությամբ՝ 2,7գ/100կկալ:  Սպիտակուցային խառնուրդները եղել են խորհուրդ տրված չափաբաժնի մեջ 1,8-3գ/100կկալին:  

Չորս ամիս հետո երեխաները, որոնց կերակրել են սպիտակուցային խառնուրդով, շարունակեցին այն ընդունել, իսկ կաթով սնվողներին սկսեցին սպիտակուցային ցածր պարունակությամբ խառնուրդ տալ, եթե դա անհրաժեշտ էր:

Հետազոտողները, որոնք ուսումնասիրել են երեք տարվա ընթացքում 234 երեխաների, բացահայտել են, որ կյանքի առաջին շաբաթներին միայն կաթով կերակրելը առաջ է բերել աճի հաուկ սխեմա և յուրահատուկ մետաբոլիկ բնավորություն,  տարբերվելով խառնուրդներով կերակրված երեխաներից:  Նորածինների համար նախատեսված խառնուրդներում պարունակվող սպիտակուցները կարող են նման փոփոխություններում առաջատար գործոն լինել, պնդում է հետազոտության համահեղինակ Գայ Պուտետը:

Կյանքի առաջին 15 օրերին  ինսուլինի մակարդակը միայն կաթով կերակրված երեխաների մոտ ցածր էր: Այս փոփոխություններն առկա էին չորս ամսվա ընթացքում, սակայն 9-րդ ամսում ոչ մի տարբերություն չի նկատվել:

Խմբերի միջև աճի սխեմաները նույնպես տարբերվում էին  կյանքի առաջին տարիներին, սակայն երեք տարեկանից հետո հասակի, քաշի և այլ գործոնների միջև տարբերություններ չէին նկատվում:

Բացառություն էին կազմում գլխի շրջագիծը, որը մի քիչ փոքր էր սպիտակուցների ցածր պարունակությամբ խառնուրդներով կերակրված երեխաների մոտ, չնայած այն եղել է նորմայի մեջ:

Հարցեր, պատասխաններ, մեկնաբանություններ